Frá og með fimmtudeginum 26. mars verður eingöngu kennt í fjarkennslu.
Kennarar munu hafa samband við foreldra hvernig þeir munu haga náminu fyrir sína nemendur.
Gangi ykkur öllum vel 🙂
Frá og með mánudeginum 23. mars nk. eiga nemendur í Suzuki bók 5 og ofar að koma einir inn í skólann í einkatíma. Eins og staðan er, er nauðsynlegt að takmarka umgang og passa upp á fjölda í hverju rými í Suzukitónlistarskólanum. Allir sem fara í meðleikstíma til Ástu koma líka einir inn í skólann.
Nemendur í Suzuki bók 1 til 4 mega hafa einn forráðamann með sér í tíma. Það er eingöngu leyfilegt einn forráðamaður og nemandi í einkatíma hjá kennaranum sínum.
Núna er nauðsynlegt að við sýnum öll samstöðu.
Suzukitónlistarskólinn í Reykjavík mun fara eftir almennum fyrirmælum frá Sambandi íslenskra sveitarfélaga:
„Hljóðfærakennsla en engin hópakennsla. Tímar vegna hljóðfærakennslu (einkatímar) fari fram í húsnæði Suzukitónlistaskólans í Reykjavík. Hóptímar s.s. hljómsveitartímar, hópæfingar, tónfundir og tónfræðitímar falli niður.“
Einkatímar verða á sínum stað frá og með þriðjudeginum 17. mars.
Meðleikstímar hjá Ástu verða á þriðjudögum kl.18:00-20:00 og miðvikudögum kl.16:00-18:00. Kennarar sjá um að skrá fiðlu-, víólu- og sellónemendur í meðleik.
Atriði fyrir forráðamenn barna sem hafa skal í huga
1. Ef flensueinkenni s.s. hiti og hálsbólga gera vart við sig hjá ykkur eða börnunum ykkar ekki koma þá í spilatíma.
2. Nauðsynlegt er að nemendur og foreldrar þrífi hendur sínar með sápu og spritti fyrir og eftir hljóðfæratíma.
3. Gæta skal að því að bil sé á milli kennslu nemenda þannig að þeir séu ekki að mætast í anddyri eða stofum.
Mætið rétt áður en tími nemandans byrjar. Farið inn í kennslustofu þegar kennari kallar á ykkur. Kennarar þurfa tíma á milli til að þurrka af, í samræmi við viðmið, fyrir og eftir hvern tíma í hverju og einu rými. Einkatími gæti styst vegna þrifa.
4. „Takmarka skal aðkomu forráðamanna inn í rýmin (öll rými skólans) og halda gestakomu almennt í algjöru lágmarki.“ Gert er ráð fyrir að í tímanum séu eingöngu forráðamaður og nemandi.
5. Nemendur þurfa að koma með blýanta og strokleður með sér í tíma.
Hafið samband við okkur ef einhverjar spurningar vakna
mary@suzukitonlist.is s: 897-8160
postur@suzukitonlist.is
Kærar kveðjur og gangi okkur öllum vel,
Mary Campbell
Skólastjóri
Vegna Covid-19 veirunnar eru fyrirsjáanlegar breytingar á skólastarfi næstu vikurnar að tilmælum yfirvalda.
Suzukitónlistarskólinn í Reykjavík mun hafa starfsdag, mánudaginn 16. mars til að skipuleggja skólastarfið.
Engin kennsla verður því í skólanum á morgun.
Í ljósi þeirra aðstæðna sem komnar eru upp í samfélaginu vegna Covid-19 veirunnar þá viljum við í Suzukitónlistarskólanum í Reykjavík ítreka að skólinn starfar eins og venjulega á meðan yfirvöld hafa ekki sett á samkomubann. Öll kennsla, einkatímar, tónfræði, hóptímar og hljómsveitaræfingar er óbreytt að svo stöddu.
Fyrirhugað tónleikahald í mars mun þó falla niður, þ.m.t. laugardagstónleikar og tónleikar með strengjakvartett kennara.
Þeir forráðamenn og nemendur sem finna fyrir flensulíkum einkennum eru vinsamlegast beðnir um að mæta ekki í skólann.
Vinsamlegast smellið á neðangreinda hlekki til að lesa bréf frá ríkislögreglustjóra.
Bréf almannavarna til nemenda foreldra og forráðamanna 110320
M | T | W | T | F | S | S |
---|---|---|---|---|---|---|
« Feb | Apr » | |||||
1 | ||||||
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 |